RETO DE CENTRO "CARTA DE AGRADECEMENTO"

ESTIMADAS FAMILIAS:

DURANTE TODO ESTE TEMPO DE CONFINAMENTO, DECATÁMONOS DA IMPORTANCIA DUNS TRABALLOS QUE TIÑAMOS ESQUECIDOS, QUE ESTABAN AO NOSO CARÓN MAIS NON NOS FIXABAMOS NO IMPRESCINDIBLES QUE SON EN SITUACIÓNS COMO AS QUE ESTAMOS A VIVIR.

AS NENAS E OS NENOS DEBEN COÑECER ISTO. REFLEXIONAR SOBRE QUE PASARÍA SE NON EXISTISEN MÉDICAS E MÉDICOS, POLICÍAS, ENFERMEIRAS E ENFERMEIROS, LIMPADORAS E LIMPADORES, SERVIZO DE LIMPEZA DO CONCELLO, GARDAS CIVÍS, TRABALLADORAS E TRABALLADORES EN TENDAS DE ALIMENTACIÓN, TRANSPORTISTAS, PERSOAL DE AMBULANCIAS, AGRICULTORAS E AGRICULTORES, GANDEIRAS E GANDEIROS,...

ALGUNHAS NENAS E ALGÚNS NENOS DO NOSO CENTRO TEÑEN FAMILIARES NESES COLECTIVOS E PODEN COMENTAR EN PRIMEIRA PERSOA AS SÚAS PERCEPCIÓNS.

DENDE O CENTRO, PROPOÑÉMOSVOS QUE ESCRIBADES UNHA CARTA, COA AXUDA DE PAPÁ E/OU MAMÁ, A UN DESES COLECTIVOS AGRADECENDO O SEU TRABALLO, AMOSANDO A SÚA ADMIRACIÓN POLA SÚA DEDICACIÓN E/OU INDICANDO O IMPORTANTE QUE CONSIDERAN O SEU TRABALLO, TAMÉN PODE SER UNHA CARTA PARA CONTAR A SÚA EXPERIENCIA COMO FAMILIAR DALGUNHA DAS PERSOAS QUE NON PUIDERON CONFINARSE AO PERTENCER Á FRANXA DE TRABALLOS IMPRESCINDIBLES.

COMPARTIREMOS NO BLOG E FAREMOS CHEGAR AS CARTAS VIRTUALMENTE AOS COLECTIVOS QUE TEMOS AO NOSO REDOR. (TEDES ATA O DOMINGO PARA ENVIALAS)

1. ESCRIBIMOS EN FOLIO UNHA CARTA CON LETRA LEXIBLE.

2. REMITIMOS A NOSA CARTA AO CORREO DO  BLOG VILAVERPEQUE@GMAIL.COM (PARA ISO É NECESARIO QUE A ENVIEDES EN FORMATO IMAXE JPG E SÓ A FOTO, PORQUE REMITIREMOS TODAS ESAS CARTAS A ESES COLECTIVOS)

APERTAS.

                                      DESEÑO DE COMO ESCRIBIREMOS A CARTA:

	DATA,    LUGAR  SAÚDO    TEXTO DA CARTA    DESPEDIDA                                    SINATURA DA NENA OU NENO