AÍNDA QUE NON O IMOS CELEBRAR NO "COLE", SI IMOS FACER UNHA HOMENAXE Á PERSOA Á QUE ESTÁ DEDICADA ESTE ANO ESTA FESTA.
AQUÍ TEDES UN CALENDARIO CON ACTIVIDADES (ESTAS TAREFAS DO CALENDARIO SON VOLUNTARIAS) PARA CADA UN DOS DÍAS DA SEMANA.
CADA DÍA ABRIREDES A FOLLA CORRESPONDENTE, E DESPOIS DE LER, TEREDES QUE INVESTIGAR E COMPLETAR.
AO LONGO DESTA INVESTIGACIÓN SEMANAL, IREDES DESCUBRINDO QUEN É O PERSOEIRO HOMENAXEADO DESTE ANO.
E ATENCIÓN, QUE ESTAS SON AS DÚAS TAREFAS QUE SI HAI QUE ENTREGAR ANTES DO VENRES 15 DE MAIO!!
1º CANDO DESCUBRADES QUEN É A OU O HOMENAXEADO DESTE ANO, FAREDES UN DEBUXO DE CORPO ENTEIRO DESTA PERSOA, QUITAREDES UNHA FOTO E A ENVIAREDES AO NOSO CORREO DO BLOG PARA FACER UNHA EXPOSICIÓN DOS RETRATOS.
2º XA DESCUBRISTES QUEN É O HOMENAXEADO DESTE ANO?
POIS SI, ESTE ANO HOMENAXÉASE A RICARDO CARBALLO CALERO.
TODOS OS ANOS, DENDE HAI XA 28 ANOS, CELEBRAMOS O NOSO TRADICIONAL CERTAME DE POESÍA. ESTE ANO TERÁ QUE SER ALGO DIFERENTE DEBIDO Á CRISE COVID-19, PERO NON QUEREMOS RENUNCIAR AO NOSO XXVIII CERTAME.
QUE TAL SE TENTAMOS QUE NON DESAPAREZA AXUDANDO ENTRE TODAS E TODOS?. A IDEA É ELABORAR NA CASA E EN GALEGO, UN POEMA ORIXINAL CURTIÑO (UN PAREADO), QUE DESPOIS COMPARTIREMOS PARA ELABORAR O NOSO LIBRO VIRTUAL DE POESÍAS.
COMO FACELO:
1. ELABORAREMOS O PAREADO ORIXINAL, EN LÍNGUA GALEGA.
2. NUN FOLIO HORIZONTAL,ESCRIBIRÉMOLO EN MAIÚSCULAS PARA QUE SEXA MOI LEXIBLE E FAREMOS UNHA PEQUENA ILUSTRACIÓN, CO VOSO NOME COLOCADO NA PARTE INFERIOR DEREITA.
A MODO DE EXEMPLO, O PAREADO TEN QUE QUEDAR ASÍ:
FELIZ DÍA DAS LETRAS GALEGAS!
No hay comentarios:
Publicar un comentario