ANIVERSARIOS FEBREIRO 2020

REMATA O ENTROIDO E CON EL, FEBREIRO.
CUMPRIMOS ANOS COMO ESTES NENOS.
MOITOS PARABÉNS A DARÍO E MATEO POLO SEU ANIVERSARIO!
E TAMÉN A LUCAS E A HUGO.
PARABÉNS PARA TODOS!!

CHEGOU O ENTROIDO

POR FIN CHEGOU O ENTROIDO!
ESTE ANO TRABALLAMOS MOITO NA CASA E NO "COLE" PARA FACER OS DISFRACES E OS COMPLEMENTOS. ASÍ QUEDOU DE BONITO O DESFILE E MOI COLORIDO.

DESPOIS DE DESFILAR ANTE TODA A XENTE QUE VEU AO "COLE", REPOÑEMOS FORZAS PARA DESPOIS VER A QUEIMA DE VILAVERDIÑO.

CARABELA

XA HAI MOITO TEMPO QUE APARECEU UNHA CARABELA NA NOSA CLASE PERO AÍNDA ESTABA SEN  ACABAR.

TIVEMOS QUE PINTALA ENTRE TODAS E TODOS.

DÍAS DESPOIS UNHA ÁNCORA APARECÍA NA NOSA AULA E TIVEMOS QUE COLOREALA.

PARA REMATAR A EMBARCACIÓN PINTAMOS A CRUZ DA VELA DE COR VERMELLA.

QUEDOUNOS MOI CHULA!

XA ESTÁ LISTA PARA LEVALA AO DESFILE DE ENTROIDO.

SEGUIMOS CON COLÓN

TROUXEMOS MOITA INFORMACIÓN DE COLÓN PERO CONTINUAMOS AMPLIANDO O PROXECTO CON INFORMACIÓN SOBRE A SÚA VESTIMENTA, OS INDÍXENAS, OS SEUS COSTUMES, VIVENDA...

POÑENDO PLUMAS A VILAVERDIÑO

ESTAMOS NOS ÚLTIMOS PREPARATIVOS ANTES DE CELEBRAR O ENTROIDO NO "COLE".

HOXE TOCA ENGALANAR A VILAVERDIÑO CON ALGUNHAS PLUMAS.

DE QUE SE DISFRAZARÁ ESTE ANO?

XA O VEREDES MAÑÁ.

O LOBO E A LÚA

HOXE LUNS VISITAMOS AFUNDACIÓN PARA VER A OBRA DE TEATRO "O LOBO E A LÚA".
ERA A PRIMEIRA SAÍDA DO ANO, ASÍ QUE ESTABAMOS UN POUCO NERVIOSOS.

O LOBO ESTÁ TODA A NOITE OUVEANDO Á LÚA E NON DEIXA DURMIR AOS OUTROS ANIMAIS.
QUE LLE PASARÁ AO LOBO PARA QUE NON SEXA CAPAZ DE DURMIR COMA OS DEMAIS?

VISÍTANOS ORBIL

ORBIL, A MASCOTA DO SALÓN DO LIBRO INFANTIL E XUVENIL DE PONTEVEDRA, VISITOU O NOSO COLE.
FOMOS ATA A BIBLIOTECA E ALÍ ESTABA.
VEUNOS DICIR QUE EN POUCOS DÍAS ABRIRÁN AS PORTAS DO SALÓN. O TEMA DESTE ANO SERÁ "O HUMOR".
TODAS E TODOS QUERIAMOS DARLLE UNHA APERTA.
VAIA SORPRESA!

DÍA DA PAZ

O XOVES, 30 DE XANEIRO, CELEBRAMOS O DÍA DA PAZ.

SAIMOS AO PATIO COS NOSOS VELEIROS VERDES DE PAPEL PARA CANTAR A CANCIÓN QUE ESTIVEMOS TRABALLANDO PREVIAMENTE CON LOLA E TAMÉN NAS AULAS COAS TITORAS.

SESIÓN DE CINE: PACHAMAMA

ESTA SEMANA TIVEMOS UNHA SESIÓN DE CINE NA AULA.

FOMOS VER A PELÍCULA "PACHAMAMA", UNHA PELÍCULA DE DEBUXOS ANIMADOS QUE TEN MOITA RELACIÓN CO PROXECTO QUE ESTAMOS A TRABALLAR.
A NOSA MASCOTA DEIXOUNOS NUN SOBRE AS ENTRADAS PARA PODER ENTRAR NO CINE.

TEPULPAI E NAIRA SON DOUS NENOS INCAS QUE TERÁN QUE VIAXAR ATA CUZCO PARA RECUPERAR A HUACA DO SEU POBO.

E APROVEITANDO QUE COLÓN TROUXO DE AMÉRICA MILLO E OS INCAS TAMÉN O PLANTABAN ... FIXEMOS UNS FLOCOS DE MILLO ARTESANAIS!

COMO OS FIXEMOS: CON ACEITE, SAL, SEMENTES DE MILLO E UNHA TIXOLA OU POTA.
PRECISABAMOS MOITOS, ASÍ QUE TAMÉN FIXEMOS ALGÚNS CUNHAS BOLSAS QUE XA VEÑEN PREPARADAS PARA METER NO MICROONDAS.

QUE ARRECENDO POLO "COLE"!!

DESPOIS DO RECREO VEMOS A "PELI" E A GOZAR COS FLOCOS DE MILLO.