RECREOS INCLUSIVOS

ONTE COMEZAMOS NO COLE COS VILAXOGOS.
NESTES RECREOS INCLUSIVOS TODAS AS NENAS E NENOS INTERACTÚAN COS DEMAIS, PARTICIPANDO EN DIFERENTES TIPOS DE XOGOS: CONSTRUCIÓNS, CORRO, BIRLOS, PELETRE, DIANAS E PIZARRAS.
ESTES XOGOS ESTARÁN TITORIZADOS POR MONITORAS E MONITORES (ALUMNADO MAIOR DO COLE)
LEVARASE A CABO DOUS DÍAS Á SEMANA; OS LUNS PARTICIPARÁ A METADE DA CLASE E O XOVES A OUTRA METADE.

SENSIBILIZACIÓN SOBRE A DIVERSIDADE

ONTE TIVEMOS CONTACONTOS NA BIBLIOTECA DO CENTRO, A CARGO DA ASOCIACIÓN XUNTOS, PARA A SENSIBILIZACIÓN E COÑECEMENTO DA DIFERENZA.
TODAS E TODOS ESCOITAMOS CON MOITA ATENCIÓN.

ANIVERSARIOS ABRIL

UN MES MÁIS CELEBRAMOS OS ANIVERSARIOS.
MOITOS PARABÉNS!!!

GUYI-GUYI

ONTE, MÉRCORES, FOMOS ATA A SEDE DA AFUNDACIÓN PARA VER A OBRA "GUYI-GUYI"; UN ESPECTÁCULO DE MONICREQUES QUE TRABALLA A BÚSQUEDA DA IDENTIDADE.
É UNHA ADAPTACIÓN DO CONTO "O PARRULO FEO" PERO NESTE CASO UN CROCODILO CHAMADO GUYI-GUYI NACEU POR CASUALIDADE NUNHA FAMILIA DE PARRULOS.
FOI MOI DIVERTIDA!

SALÓN DO LIBRO

DESPOIS DE ELABORAR O NOSO TRABALLO PARA O SALÓN DO LIBRO, REMATAMOS O SEGUNDO TRIMESTRE FACENDO UNHA VISITA ATA ALÍ.
A MASCOTA ORBIL VEUNOS RECIBIR; QUE ILUSIÓN!
ESCOITAMOS UN CONTACONTOS, VIMOS A EXPOSICIÓN, XOGAMOS...
PORTÁMONOS MOI BEN E GUSTOUNOS MOITO.
FOI MOI DIVERTIDO!!!

INVESTIGAMOS SOBRE O NOSO PROXECTO

DENTRO DO NOSO PROXECTO "AS CARTAS" VIMOS COMO PODIAMOS CONSTRUÍR PALABRAS  USANDO SELOS IMPREGNADOS EN TINTA; CON ELES ESCRIBIMOS NO SOBRE, ONDE LEVAMOS OS TRABALLOS PARA CASA, A PALABRA “FAMILIA”. 

TAMÉN PUXEMOS OUTRO TIPO DE SELO (O DO COLE)

COMO SELO ADHESIVO UTILIZAMOS A NOSA FOTO QUE DECORAMOS AO REDOR COMA SE FOSE UN VERDADEIRO SELO.

TRABALLAMOS A IMPORTANCIA DA IMPRENTA PARA REPRODUCIR TEXTOS; ATA FIXEMOS UNHA EXPERIENCIA PARA SABER COMO FUNCIONABA.

APARECEU NA CLASE UNHA MÁQUINA.
QUE SERÍA? PARA QUE SERVIRÍA? COMO FUNCIONARÍA?...  ERA UNHA MÁQUINA DE ESCRIBIR. HAI QUE PULSAR UNHAS TECLAS QUE ESTÁN MOI DURAS E SE NOS CONFUNDIMOS, NON PODEMOS BORRAR.

TODOS E TODAS QUIXEMOS ESCRIBIR ALGO; ASÍ QUE FIXEMOS UN TEXTO. AGORA O PROBLEMA É QUE SÓ TIÑAMOS UN.

COMO PODIAMOS FACER PARA QUE TODOS E TODAS LEVASEMOS UN TEXTO PARA A NOSA CASA?
UNHA MANEIRA DE FACER COPIAS ERA EMPREGANDO PAPEL CARBÓN.
POR PARELLAS FIXEMOS UNHA PROBA ESCRIBINDO E DEBUXANDO. TIÑAMOS QUE CALCAR BASTANTE PARA QUE SE VIRA NA ÚLTIMA FOLLA E MANCHABA MOITO.

PERO HABÍA OUTRA FORMA DE FACER COPIAS MÁIS RÁPIDA: A FOTOCOPIADORA.

É UNHA MÁQUINA QUE REPRODUCE RAPIDÍSIMO E QUE A TEMOS NO NOSO COLE, ASÍ QUE LEVAMOS O TEXTO FEITO COA MÁQUINA DE ESCRIBIR E IMPRIMIMOS UNHA COPIA PARA CADA UNHA E CADA UN DE NÓS.

AGORA TODAS E TODOS TEMOS O TEXTO QUE ESCRIBIMOS COA MÁQUINA DE ESCRIBIR.

TAMÉN FOTOCOPIAMOS AS NOSAS MANS. SOAMENTE AS PUXEMOS NO CRISTAL E LOGO PULSAMOS O BOTÓN VERDE. QUE SINXELO!

PETRA EN ROMA

A NOSA COMPAÑEIRA PETRA FOI DE VIAXE A ROMA E TRÓUXONOS UN MONTÓN DE FOTOS PARA ENSINARNOS.

CONTACONTOS NA BIBLIOTECA

O MÉRCORES ESTIVEMOS NA BIBLIOTECA DO COLE ESCOITANDO A HISTORIA “MARIO PENSABA QUE O GALEGO NON SERVÍA PARA NADA” OFRECIDA “POLO CORREO DO VENTO”

MENTRES O NARRADOR CONTABA O CONTO DE MARIO, O ILUSTRADOR FACÍA UN MURAL ONDE PLASMABA UNHA ESCENA.

AO REMATAR A NARRACIÓN, COA AXUDA DO ILUSTRADOR, DEBUXAMOS UN PIRATA SEGUINDO AS SÚAS INDICACIÓNS.
FIXEMOS UNS DEBUXOS MOI CHULOS!