ANIVERSARIOS DE DECEMBRO

REMATA DECEMBRO, TAMÉN O PRIMEIRO TRIMESTRE.
DENTRO DE POUCO CAMBIAREMOS DE ANO ...
E TAMÉN AS NOSAS NENAS E NENOS VAN MEDRANDO.
MOITOS PARABÉNS PARA TOD@S!!

CHOCOLATADA

HOXE COMEZAN AS VACACIÓNS DE NADAL, E COMO TODOS OS ANOS, IMOS CELEBRALO CUNHA CHOCOLATADA.
ESTE ANO TOMAMOS O CHOCOLATE NAS MESAS QUE PREPARAMOS NO CORREDOR DE 5 ANOS.
DESPOIS DE TOMAR CHOCOLATE E ROSCA, QUE POR CERTO, ESTABAN BOÍSIMOS; ESPERAMOS A CHEGADA DO APALPADOR QUE ESTE ANO VIÑA ACOMPAÑADO DUNHA APALPADORA.

AO REMATAR, E ANTES DE SAÍR AO PATIO ...

UNHA FOTO POSANDO!
ATA AS "PROFES" SE ANIMARON!

FELICES FESTAS PARA TODAS E TODOS!!

PALABRAS GRACIOSAS

PARA CELEBRAR O DÍA DA PALABRA, NADA MELLOR QUE ELEXIR UNHA PALABRA GRACIOSA, TAL E COMO NOS ENCARGARAN DENDE MASCOTILANDIA.
EN 5 ANOS B NON SE NOS OCORRÍA NINGUNHA E NOS PUXEMOS MANS Á OBRA PARA INVENTALAS.
EN "5 ANOS A", ENTRE AS MOITAS QUE SAÍRON, ESCOLLEMOS A MÁIS VOTADA: "TRAGONCETE".

OBRADOIRO JOAN MIRÓ (2ª PARTE)

NESTA PARTE TOCABA ELABORAR AS TARXETAS DE NADAL.
PINTAMOS O FONDO CON CERA.
ENGADIMOS ALGÚN SÍMBOLO OU FORMA XEOMÉTRICA DAS QUE EMPREGABA MIRÓ.
ENGADIMOS CON ROTULADOR ALGUNHA ESTRELA, ESCALEIRA, ETC.
 E ... LISTAS!

CERIMONIA DO LUME NOVO

HOXE TIVEMOS NO "COLE" A DARÍO, QUE É O PAI DE MARTIÑO.
DARÍO FORMA PARTE DE ÁRBORE, QUE É UNHA SOCIEDADE QUE SE DEDICA A TEMAS RELACIONADOS COA ARQUEOLOXÍA.
ELES VIÑAN A CONTARNOS ALGO SOBRE A "CERIMONIA DO LUME NOVO", E COMO CONSEGUÍAN FACER LUME OS INDÍXENAS.

EN NOVEMBRO, OS INDÍXENAS, COA CHEGADA DO INVERNO, FACÍAN ESTA CERIMONIA ONDE SE APAGABAN POR COMPLETO, OS LUMES DOS FOGARES.
COA AXUDA DUN PAU E UN MADEIRO, FROTABAN UN SOBRE OUTRO ATA CONSEGUILO. ERA UN TRABALLO EN EQUIPO! PORQUE FACER LUME ERA MOI CANSADO.
TAMÉN NOS ENSINARON COMO OS EUROPEOS, NA CARABELA FACÍAN LUME.
ERAN MÁIS AVANZADOS! GOLPEABAN UN METAL CUNHA PEDRA PARA FACER SALTAR CHISPAS!

AO FINAL, ENTREGÁMOSLLE A DARÍO UN DIPLOMA EN AGRADECEMENTO POR VIR A AMPLIAR O NOSO COÑECEMENTO SOBRE A ÉPOCA DE COLÓN.

CARABELA

A NOSA MASCOTA “FLOR” DEIXÓUNOS UNHA CARTA E UN GRAN AGASALLO ENVOLTO; PEDÍANOS AXUDA PORQUE NON LLE DERA TEMPO A REMATALO.

ANTES DE DESTAPALO XA INTUIAMOS O QUE ERA PORQUE QUEDOU O PAU MAIOR SEN TAPAR.

SIIIIIII; ERA UNHA CARABELA!

AGORA TEMOS QUE PINTALA E DEIXALA BEN BONITA!

XA VOS CONTAREMOS!!!

 

GLOBO TERRÁQUEO

APARECEU NA CLASE UNHA CARTA DA MASCOTA ONDE NOS DICÍA QUE TIÑAMOS QUE ATOPAR ALGO NA AULA PARA AXUDALA A FACER UN GLOBO TERRÁQUEO.

VAIA SORPRESA!; ERA UN GLOBO ENORME!

DESPOIS TIVEMOS QUE RISCAR XORNAIS PARA TER UN BO MONTÓN.

DURANTE DÍAS, ENTRE TODOS E TODAS, PEGAMOS CON COLA AS TIRAS DE XORNAL RISCADAS ANTERIORMENTE; TIVEMOS QUE PEGAR MOITO PAPEL PARA QUE QUEDASE BEN DURIÑO.

UNHA VEZ SECO, PINTAMOS CON TÉMPERA AZUL TODO O GLOBO (XA QUE A AUGA OCUPA A  MAIOR PARTE NO PLANETA TERRA)

POR ÚLTIMO, COLOREAMOS OS CONTINENTES E OS PEGAMOS NO GLOBO.

AGORA TÉMOLO COLGADO NA CLASE.

QUEDOU MOI CHULO!

CRISTÓBAL COLÓN

COMO XA SABEDES, ESTE CURSO ESTAMOS A TRABALLAR O PROXECTO DE CRISTÓBAL COLÓN.

XA LEVAMOS MOITO TEMPO TRAENDO INFORMACIÓN DESTE PERSONAXE E CONTÁNDOA AOS NOSOS COMPAÑEIROS E COMPAÑEIRAS.

ESTAMOS APRENDENDO MOITÍSIMO!

MOITAS GRAZAS POLAS VOSAS APORTACIÓNS!

OBRADOIRO DE JOAN MIRÓ (1ª PARTE)

COMEZAMOS A ELABORAR AS POSTAIS DE NADAL.
ESTE ANO O DESEÑO ESTÁ BASEADO NO ARTISTA JOAN MIRÓ.
PARA CONTARNOS QUEN ERA MIRÓ, QUE TÉCNICAS EMPREGABA, ...; CONTAMOS COA AXUDA DE MÓNICA, A MAMÁ DE VERA E ANTÓN, QUE SABE MOITO DE ARTE.
ELA NOS EXPLICA UN POUQUIÑO DA VIDA DESTE PINTOR, UTENSILIOS QUE UTILIZABA PARA PINTAR ASÍ COMO A TÉCNICA QUE EMPREGA (SÍMBOLOS, FORMAS QUE APARECEN NA SÚA OBRA E CORES)
TAMÉN NOS CONTA UN CONTO : "EL SUEÑO DE MIRÓ"
AO FINAL, NÓS TAMÉN ELABORAMOS UN CADRO COA TÉCNICA DE MIRÓ.

OS DEREITOS DA INFANCIA EN IMAXES

O 20 DE NOVEMBRO CELEBRAMOS O DIA DOS DEREITOS DA INFANCIA.
ESTE ANO É O 30 ANIVERSARIO DA DECLARACIÓN, E POR SUPOSTO, ESTIVEMOS TRABALLANDO NA AULA SOBRE ISO.
ELABORAMOS A NOVA MÁIS IMPORTANTE DA SEMANA.
E POR EQUIPOS, INVENTAMOS UN XESTO QUE REPRESENTARA UN DOS DEREITOS DESA DECLARACIÓN.
ADIVIÑADES, MIRANDO OS XESTOS, A QUE DEREITO NOS REFERIMOS?

TAMÉN FIXEMOS UN CARTEL DALGÚNS DEREITOS QUE DIXEMOS.

ANIVERSARIOS NOVEMBRO

UN NOVO MES REMATA E CON EL, AS NENAS E NENOS QUE CUMPRIRON ANOS.
A TODAS E A TODOS ...
PARABÉNS!

MAGOSTO

O VENRES, 8 DE NOVEMBRO, CELEBRAMOS O MAGOSTO.

COA PROFE LOLA ESTIVEMOS DÍAS ENSAIANDO A CANCIÓN "XA ESTÁN AQUÍ" DE UXÍA LAMBONA E A BANDA MOLONA; ASÍ QUE, NESTE DÍA DO MAGOSTO TODOS OS NENOS E NENAS DO COLE CANTAMOS E BAILAMOS ESTA CANCIÓN.

PACO COA AXUDA DOS NENOS E NENAS DE 6º ASOU AS CASTAÑAS.
CANDO XA ESTABAN PREPARADAS, NÓS COMÉMOLAS BEN QUENTIÑAS. 

ESTABAN BOÍSIMAS!

FINALMENTE O ALUMNADO MAIOR DO COLE E ALGUNHAS PROFES PINTARON A CARA A TODOS E TODAS AS QUE QUIXERON.  

      

ELABORANDO AMULETOS PROTECTORES

DIAS ANTES DO SAMAÍN, ESTIVEMOS TRABALLANDO SOBRE OS MEDOS.
AGORA, DESPOIS DE BOTAR OS MEDOS NO CALDEIRO; DECIDIMOS FACER UNS AMULETOS PROTECTORES.
NA AULA DE 5 ANOS B, DESPOIS DE DAR ALGUNHAS IDEAS SOBRE AS PROPIEDADES QUE TERÁ O NOSO AMULETO, CHEGAMOS Á CONCLUSIÓN DE QUE O NOSO AMULETO SERVIRÁ PARA PROTEXERNOS DAS PICADURAS.
EN 5 ANOS A O NOSO AMULETO SERVIRÁ PARA NON FACERNOS DANO.
TAMÉN DECIDIMOS ENTRE TODOS O SEU DESEÑO. AQUÍ VOS AMOSAMOS ALGUNHAS FOTOS DO PROCESO DE CREACIÓN.

PODEDES VER MÁIS FOTOS PINCHANDO NA IMAXE.

QUE VOS PARECEN OS NOSOS AMULETOS? QUEDARON BONITOS, A QUE SI?

AGORA OS NOSOS AMULETOS ESTÁN NUNHA EXPOSICIÓN CON TODOS OS DEMAIS QUE FIXERON OS NENOS E NENAS DO COLE.

DENTRO DUNS DÍAS PODERÉMOLO LEVAR PARA A NOSA CASA.

ANIVERSARIOS OUTUBRO

REMATAMOS OUTUBRO CUNHA CHEA DE ANIVERSARIOS.
PARA TODAS E TODOS ...
FELIZ ANIVERSARIO!

TRABALLANDO SOBRE OS MEDOS

ESTES DIAS, ANTES DA CHEGADA DO SAMAÍN, ESTIVEMOS TRABALLANDO SOBRE OS MEDOS.
FALANDO EN ASEMBLEA, SAÍRONNOS MEDOS DE TODO TIPO: ÁS SERPES, ÁS ALTURAS, ÁS PANTASMAS, ...; INCLUSO ALGÚN, NON LLE TIÑA MEDO A NADA.
QUE SORTE!
ESCRIBIMOS OS NOSOS MEDOS NUN PAPEL E OS BOTAMOS NO CALDEIRO DOS MEDOS. A VER SE ASÍ, OS MEDOS SE TRANSFORMAN EN ALGO BONITO.

TAMÉN FIXEMOS UNHAS BONITAS PANTASMAS PARA DECORAR O COLE E LEVAR PARA CASA.

24 DE OUTUBRO, DIA DAS BIBLIOTECAS

O XOVES, 24 DE OUTUBRO, CELEBRAMOS NO "COLE" O DIA DA BIBLIOTECA.
COMO ESTAMOS TRABALLANDO SOBRE O SAMAÍN, MENTRES ESTABAMOS NA AULA FACENDO UNHA ACTIVIDADE APARECEU A "PROFE" SUSANA DISFRAZADA DE BRUXA PARA EXPLICARNOS QUE AO SER O DIA DAS BIBLIOTECAS PODIAMOS ESCOLLER UN CONTO RELACIONADO CÓ SAMAÍN PARA IR Á BIBLIOTECA DE LAMPI.
HOXE LUNS, É CANDO EN 5 ANOS B TEMOS BIBLIOTECA NO NOSO HORARIO; ASÍ QUE, DESPOIS DO RECREO VISITAMOS A LAMPI PARA ESCOITAR O CONTO QUE ELEXIMOS.

DIARIOS DE VERÁN

DENDE QUE COMEZOU O "COLE", AS NENAS E NENOS QUE QUIXERON FACER UN DIARIO DAS SÚAS VACACIÓNS, ESTIVERON CONTÁNDONOS TODO O QUE FIXERON NO VERÁN.
AGORA QUE XA OS VIMOS, É HORA DE COMEZAR CO PRIMEIRO PROXECTO DE APRENDIZAXE.

BÚSQUEDA DO TESOURO

ESTE ANO IMOS AVERIGUAR SOBRE QUE INVESTIGAR COA AXUDA DA NOSA MASCOTA. CON ESTE XOGO IMOS TAMÉN A POÑER UN NOME AOS EQUIPOS DE TRABALLO DA AULA.
FOI ELA QUEN NOS PROPUXO ESTA BÚSQUEDA DO TESOURO.
COMO É MOI XOGUETONA, AGOCHOU NO CORREDOR DA ENTRADA UNS SOBRES COS NOSOS NOMES POSTOS.

TIVEMOS QUE FIXARNOS MOI BEN, E REBUSCAR MOITO, PORQUE A MASCOTA NON O PUXO NADA DOADO.

DESPOIS NA AULA, ABRIMOS OS SOBRES E ENTRE TODAS E TODOS CONSTRUIMOS UNHA IMAXE XIGANTE DO PERSONAXE DO QUE TEREMOS QUE INVESTIGAR.

ADIVIÑADES QUEN É?

ANIVERSARIOS DE SETEMBRO

PARABÉNS PARA AS NENAS E NENOS QUE FIXERON CINCO ANOS AO LONGO DESTE PRIMEIRO MES DO COLE.
PARA TODAS ELAS E ELES ...
FELICIDADES!

ANIVERSARIOS XUÑO, XULLO E AGOSTO

ACABAN DE REMATAR AS VACACIÓNS DE VERÁN.
AS NENAS E NENOS QUE FIXERON OS ANOS NO VERÁN AÍNDA NON RECIBIRON OS NOSOS PARABÉNS.
QUE SAIBADES QUE NON NOS ESQUECIMOS.
MOITÍSIMAS FELICIDADES A TOD@S!