2ª PARTE DE EXPERIMENTOS

2ª PARTE

EXPERIMENTAMOS CO AIRE

COMEZAMOS O MES DE XUÑO CELEBRANDO, COMO XA VOS CONTAMOS A SEMANA PASADA, O DÍA DO MEDIO AMBIENTE; ESTE VINDEIRO 5 DE XUÑO.

RECORDADE! SEMPRE DEBEMOS TER PRESENTE O RESPECTO E COIDADO DO ENTORNO NO QUE VIVIMOS; É RESPONSABILIDADE DE TODAS E DE TODOS.

COÑECEDES O HIMNO AO MEDIO AMBIENTE?

               

PARA COMEZAR PODEMOS FACER UNHA LISTA DE ACCIÓNS ENCAMIÑADAS Á CONSERVACIÓN DO MEDIO AMBIENTE E OUTRA LISTA CON ACCIÓNS PREXUDICIAIS.

 XA TEDES AS LISTAXES FEITAS? PODEDES COMPROBAR CANTAS ACCIÓNS ENCAMIÑADAS A CONSERVAR OU PREXUDICAR O MEDIO AMBIENTE ACERTASTES. ESCOITADE!

               

ESTA CANCIÓN SEGURO QUE VOLA SABEDES “PEQUEÑO PLANETA”

              

 CON ESTA ADIVIÑA ÍMOSVOS CONTAR CON QUE IMOS TRABALLAR ESTA SEMANA.

SON TAN GRANDE COMO O MUNDO

E CON TODO NON ME VES,

TÉÑENME POR VAGABUNDO,

ENVÓLVOCHE ANCHO E PROFUNDO

DA CABEZA AOS PÉS.

XA DIXEMOS QUE DOUS ASPECTOS MOI IMPORTANTES DO MEDIO AMBIENTE ERAN A AUGA E O AIRE.

A SEMANA PASADA TRABALLAMOS A AUGA, AGORA SE ACERTASTES A ADIVIÑA XA SABEREDES QUE IMOS TRABALLAR O AIRE.

ESTA SEMANA TEMOS UNHA CHEA DE EXPERIMENTOS PARA FACER PERO SÓ QUEREMOS QUE NOS ENVIEDES UNHA FOTO DO EXPERIMENTO-OBRA DE ARTE TITULADO "AERÓGRAFO CORPORAL". (MANDADE SÓ A FOTO, NON SAIADES VÓS NELA PORQUE SE NON A OBRA ARTÍSTICA VAI QUEDAR MÁIS PEQUENA E NON SE VAI APRECIAR BEN).

CIENTÍFICAS, CIENTÍFICOS, ESTADES PREPARAD@S PARA TRABALLAR? POIS ADIANTE!. LEMBRADE, É IMPORTANTE QUE CANDO FAGADES EXPERIMENTOS SEMPRE O FAGADES COA SUPERVISIÓN DUN ADULTO.

SEMPRE,  ANTES DE REMATAR CADA EXPERIMENTACIÓN DEBEREDES FORMULAR UNHA HIPÓTESE. É DICIR, TEDES QUE PENSAR QUE CREDES QUE VAI PASAR, ANTICIPAR O RESULTADO. 
PODEDES DEIXALO ANOTADO E CANDO REMATE O EXPERIMENTO COMPROBADE SE PASOU O QUE PENSASTES OU NON.

AS VECES PASAN COUSAS DIFERENTES AS QUE PENSAMOS.

                               EXPERIMENTAMOS:

1º) QUE É O QUE HAI NO ESPAZO DO VOSO DORMITORIO?  E DENTRO DUN VASO VACÍO DE LÍQUIDO?

2º) COMPROBADE!! 

NUN RECIPIENTE FONDO CHEO DE AUGA POÑEDE BOCA ABAIXO O VASO. MANTEDE O BORDE DO VASO TOCANDO A SUPERFICIE DA AUGA. POUCO A POUCO IMOS BAIXANDO ATA O FONDO E SOLTÁMOLO. 
QUE PASARÁ? 
PAPÁ, MAMÁ PODEMOS FALAR CON  EL@S SOBRE O QUE PENSAN QUE VAI PASAR. (ESTAS SON AS HIPÓTESES)
VEREDES COMO SE DÁ A VOLTA SOLTANDO BURBULLAS DE? POIS CLARO, DE AIRE!!!

3º) O PAPEL QUE NON SE MOLLA.

METEDE UN FOLIO ARRUGADO NO FONDO DUN VASO DE VIDRIO TRANSPARENTE, BEN APRETADO PARA QUE NON CAIA.

INTRODUCIDE O VASO, BOCA ABAIXO, NUN RECIPIENTE CON AUGA E SOSTÉDELO AHÍ.

SACADE O VASO DO RECIPIENTE.     
PAPÁ, MAMÁ PODEMOS CONVERSAR CON  EL@S SOBRE O QUE PENSAN QUE VAI PASAR. (HIPÓTESES)

QUE LLE PASOU AO PAPEL?NON SE MOLLA! SABEDES POR QUE? PORQUE O AIRE DENTRO DO VASO IMPIDE QUE ENTRE AUGA).

4º) QUEN CAE ANTES?

NECESITADES DÚAS FOLLAS. CUNHA DELAS FAREDES UNHA BÓLA E A OTRA FOLLA DEIXÁREMOLA SEN DOBRAR. 
QUE PENSADES? PESARÁN O MESMO? CAERÁN AO MESMO TEMPO AO CHAN?
PODEDES FALAR CON MAMÁ E PAPÁ A VER QUE OPINAN ELES (HIPÓTESE)
SUBÍDEVOS NUNHA CADEIRA E DEIXADE CAER A BÓLA E O PAPEL SEN ENRRUGAR AO MESMO TEMPO.  QUEN CHEGARÁ ANTES AO CHAN?  POR QUE?

POIS CHEGARÁ ANTES A BOLA PORQUE O FOLIO TEN QUE ABRIRSE CAMIÑO A TRAVÉS DO AIRE QUE LLE OFRECE MÁIS RESISTENCIA.

5º) VASO INVERTIDO. 
ENCHEDE UN VASO CON AUGA. POÑERLLE NO BORDO UN CADRADO DE PAPELQUE SEXA UN POUCO RÍXIDO (PODE SER UNHA CARTA DUNHA BARALLA OU U SOBRE DESES QUE TEÑEN A VENTANIÑA PLASTIFICADA PARA POÑER O ENDEREZO) E PRESIONAR UN POUCO. DARLLE A VOLTA.
QUE PASARÁ? CAERÁ A AUGA? FORMULADE AS VOSAS HIPÓTESES.
DESPOIS PODEDES VER O VÍDEO E A EXPLICACIÓN DO QUE PASA E POR QUE PASA ISO.

           

6º) A VELA APÁGASE SOA. ATENCIÓN!! PARA ESTE EXPERIMENTO TEN QUE HABER UN ADULTO CONVOSCO PORQUE EMPREGAREMOS LUME.

             

7º) INFLAR UN GLOBO NUNHA BOTELLA.

            

8º) PARACAÍDAS.

COLLE UN ANACO DE PAPEL DE COCIÑA E DOBRA CADA ESQUINA CO DEDO POLGAR E ÍNDICE. PEGADE UN ANACO DE CORDA EN CADA ESQUINA (AS CATRO CORDAS TEÑEN QUE SER DA MESMA LONXITUDE).

FACEDE UN NÓ CO FINAL DAS CATRO CORDAS TENDO EN CONTA QUE TEÑEN QUE SEGUIR TENDO TODAS A MESMA LONXITUDE.

ENGANCHADE UN CLIP OU UN BONECO MOI LIXEIRO AO NÓ.

SUBIDE A UNHA CADEIRA CON MOITO COIDADO E DEIXADE CAER O PARACAÍDAS.

POR QUE PASA ISTO?

CANDO CAE UN OBXECTO SE ACELERA, PERO AO ABRIRSE O PARACAÍDAS SE DESACELERA POLA FRICCIÓN DESTE CÓ AIRE. PORQUE O AIRE EMPURRA O PARACAÍDAS E ASÍ, O OBXECTO CAE MÁIS LENTAMENTE.

9º) COMETA. ESTES DÍAS CANDO SAIADES A PASEAR PODEDES LEVAR A VOSA COMETA SE VOS ANIMADES A FACELA.
  

             

10º) E NÓS, PODEMOS FACER AIRE? COMO?

COA BOCA, NARIZ, MANS…

TAMÉN PODEMOS MOVELO: FACENDO POMPAS DE XABÓN, LEVANTANDO PEQUENOS PAPELIÑOS CANDO SOPRAMOS, SOPRANDO A TRAVÉS DUNHA PALLIÑA, ...

FACEDE UNHA CARREIRA CON MAMÁ OU PAPÁ SOPRANDO BOLAS OU ANACOS DE PAPEL DE XORNAL. QUEN GAÑOU?, POR QUE?

E AQUÍ ESTÁ A ACTIVIDADE A ENTREGAR ESTA SEMANA: AERÓGRAFO CORPORAL.

NECESITAMOS: 
- VASIÑOS OU RECIPIENTES PEQUENOS.
- AUGA E PINTURA DE CORES (TÉMPERA).
- PALLIÑAS DE PLÁSTICO OU PAPEL.
- CARTOLINAS OU PAPEL.
-CUENTAGORAS, XIRINGA OU PINCEL PARA POÑER AS PINGAS DE AUGA NO PAPEL.

COMO FAREMOS:
POÑEREMOS UN POUQUIÑO DE AUGA NOS RECIPIENTES OU VASOS E DISOLVEREMOS A PINTURA. (TANTOS VASOS DE AUGA COMO CORES IDES EMPREGAR)
COLLEDE PINGAS DESA PINTURA CUNHA XIRINGA, PINCEL OU CUENTAGOTAS E DEPOSITALA NO PAPEL. 
SOPRADE A TRAVÉS DUNHA PALLIÑA. FIXÁDEVOS NOS PERCORRIDOS DAS PINGAS DE AUGA COLOREADA. CO AIRE QUE BOTAMOS AO SOPRAR, O LÍQUIDO MÓVESE.

SAIRÁN UNHAS OBRAS DE ARTE ABSTRACTO SÚPER CHULAS; 
         

ASÍ QUE, FACÉDELLE UNHA FOTO (PARA APRECIAR MELLOR O TRABALLO, MANDAR SÓ A FOTO DA OBRA DE ARTE, ASÍ PODEREMOS VELAS MÁIS GRANDES) E MANDALAS AO NOSO CORREO vilaverpeque@gmail.com

10º) MUÍÑOS DE PAPEL.

NUNHA FOLLA DE PAPEL DE DIVERSAS CORES FAREDES UNS CORTES EN FORMA DE CRUZ; LOGO PEGAREDES AS PUNTAS AO CENTRO.

PODEDES DEIXALO NA VENTÁ PARA SABER CANTO SOPRA O VENTO OU DE ONDE VÉN.

11º) AVIÓNS DE PAPEL.

PODEDES FACER DISTINTOS MODELOS DE AVIÓNS DE PAPEL E COMPROBAR CAL VOA MÁIS LONXE OU FACER UNHA COMPETICIÓN CON MAMÁ OU PAPÁ.
AQUÍ TEDES ALGÚNS VÍDEOS PARA APRENDER A FACELOS:

         

         

- CANCIÓN “CUIDEMOS EL AIRE”

         

- POESÍA PARA LER:   
                                                    

                     

- PENSAMOS E RAZOAMOS:
PODEDES DEBUXAR OS PROBLEMAS NUN PAPEL SE VOS AXUDAN A PENSAR MELLOR.

MAMÁ CONSTRÚE 5 AVIÓNS DE PAPEL, PAPÁ CONSTRÚE 3 E EU CONSTRÚO 4. CANTOS AVIÓNS DE PAPEL CONSEGUIMOS CONSTRUIR ENTRE OS TRES?

TEMOS 15 AVIÓNS DE PAPEL. BOTAMOS A VOAR OS AVIÓNS, E 6 DELES CHOCAN CONTRA O CHAN. OS OUTROS CHEGARON Á META.CANTOS CHEGARON Á META?

FACEMOS POMPAS DE XABÓN. DUN SOPRO CONSEGUIMOS 13 POMPAS. CHEGA UN REFACHO DE VENTO E LÉVASE 6 POLO AIRE QUE NON EXPLOTAN. CANTAS POMPAS ME QUEDAN PARA EXPLOTAR?

MAMÁ FAI POMPAS DE XABÓN. PAPÁ CONSEGUE EXPLOTAR 11 E EU 7 . CANTAS EXPLOTAMOS PAPÁ E EU XUNTOS?

- PARA REMATAR ESTAS DÚAS SEMANAS DE EXPERIMENTOS, UN CONTO TITULADO "AGUA Y AIRE".

              

TAREAS ESPECIALISTAS: