EXPERIMENTAMOS

O 5 DE XUÑO CELÉBRASE O DÍA DO MEDIO AMBIENTE.

E…QUE É O MEDIO AMBIENTE?

POIS É O ESPAZO ONDE DESENROLAMOS A NOSA VIDA; É TODO O QUE NOS RODEA (AIRE, AUGA, TERRA, ANIMAIS…) PERO OLLO, NON SON AS COUSAS QUE CONSTRUIMOS, SON AS QUE XA ESTÁN DUNHA MANEIRA NATURAL.

PERO O MEDIO AMBIENTE PODE CONTAMINARSE, COMO?

TIRANDO LIXO AO CHAN O A AUGA, CO FUME DOS COCHES E FÁBRICAS, … EN DEFINITIVA, CONTAMINAMOS O MEDIO AMBIENTE CANDO INTRODUCIMOS ALGO QUE NON EXISTE NEL.

NÓS DEBEMOS COIDAR O NOSO PLANETA PARA PROTEXELO, APRENDENDO A VALORAR E RESPECTAR O ENTORNO NO QUE VIVIMOS. 

A CONSERVACIÓN E PROTECIÓN DO MEDIO AMBIENTE É RESPONSABILIDADE DE TODOS OS SERES HUMANOS.

SE FACEMOS UN MAL USO, POÑERÉMOLO EN PERIGO POLO QUE O NOSO COMPORTAMENTO DEBE SER DE RESPECTO E COIDADO DO MEDIO.

DURANTE ESTAS DÚAS SEMANAS, IMOS TRABALLAR CON DOUS ASPECTOS QUE FORMAN PARTE DO MEDIO AMBIENTE E QUE POR CERTO, SON IMPORTANTÍSIMOS PARA A NOSA VIDA.

IMAXINADES CALES SON? POIS SI, A AUGA E O AIRE. SE NON EXISTISE AUGA E AIRE NO NOSO PLANETA, NON EXISTIRÍA A VIDA. 

ESTAS SEMANAS IDES CONVERTIRVOS EN CIENTÍFICAS E CIENTÍFICOS. APETÉCEVOS? POIS ADIANTE, MANS Á OBRA!

1ª PARTE

TEREDES QUE INVESTIGAR:

QUEN SON AS CIENTÍFICAS E CIENTÍFICOS?

ONDE TRABALLAN?

CON QUE TRABALLAN?

COMO SE VISTEN?

COÑECEDES A ALGUNHA CIENTÍFICA OU CIENTÍFICO?

PODEREMOS VESTIRNOS COMO VERDADEIRAS CIENTÍFICAS E CIENTÍFICOS. PARA ISO POÑEREMOS UNHAS BATAS E FAREMOS UN CARNÉ ONDE PLASMAREMOS A NOSA PEGADA DACTILAR.

CON QUE COMEZAREMOS?
A VER SE O AVERIGUADES CON ESTA ADIVIÑA:

"DA TERRA VOU AO CEO

E DO CEO HEI DE VOLVER,

SON A ALMA DOS CAMPOS

QUE OS FAI FLORECER".

SEGURO QUE ACERTÁCHEDES! A AUGA!.
A AUGA PODEMOS ATOPALA NA NATUREZA DE 3 FORMAS: SÓLIDA, LÍQUIDA E GASEOSA. 
ESTAS 3 FORMAS DE ATOPALA CHÁMANSE ESTADOS DA AUGA.
QUEREDES SABER MÁIS SOBRE OS ESTADOS DA AUGA? ATENTOS!

         

TAN IMPORTANTE É QUE EXISTA AUGA NO NOSO PLANETA, COMO COIDAR A QUE XA TEMOS, ASÍ QUE ... ATENTOS A ESTES CONSELLOS SOBRE “CUIDADO DEL AGUA”

- VÍDEO “CAILLOU AHORRA AGUA”

AGORA QUE XA COÑECEDES OS 3 ESTADOS DA AUGA NA NATUREZA, TÓCAVOS PENSAR:

• QUÉ PASARÁ NOS AZULEXOS E NO ESPELLO DO CUARTO DE BAÑO DESPOIS DE BAÑARNOS COA AUGA QUENTE? 
• E SE SACADES DO CONXELADOR UN BOTE DE REFRESCO. POR QUE ESTARÁ MOLLADO?
• CON AXUDA DE PAPÁ OU MAMÁ PODEDES METER NUNHA TARTEIRA CUBITOS DE XEO E POÑELOS AO LUME; COMPROBAREDES COMO PASA DE SÓLIDO A LÍQUIDO (COA AUGA QUENTE, OS CUBITOS DESFANSE) E LOGO A GASEOSO (VAPOR DE AUGA).

A CONTINUACIÓN TEDES AS ACTIVIDADES A ENTREGAR DESTA SEMANA. 


SOAMENTE SUBIREMOS UNHA FICHA AO BLOG.
PARA QUE TOD@S A VEXAN BEN NECESITAMOS SÓ A FOTO, SEN QUE APAREZAN @S NEN@S NELA.

EXPERIMENTAREDES COS TRES ESTADOS DA AUGA PERO SÓ ENTREGAREDES UNHA FICHA, QUE TERÁ 2 PARTES, DO EXPERIMENTO QUE MÁIS VOS GUSTE. 

ESTA FICHA QUE VOS PRESENTAMOS DE MODELO É A PRIMEIRA PARTE (PODÉDELA IMPRIMIR OU COPIALA NUN FOLIO TAL E COMO VOLA AMOSAMOS) 
SERÁ A PRIMEIRA QUE FAGADES.

A SEGUINTE PARTE ATOPARÉDEA MÁIS ADIANTE E SOAMENTE PODEREDES FACELA CANDO REMATEDES O EXPERIMENTO.

LEMBRADE! HAI QUE FACER OS 3 EXPERIMENTOS PERO CUBRIR A FICHA DO QUE MÁIS VOS GUSTE (LEMBRA QUE A FICHA TEN 2 PARTES)

SE XURDE CALQUERA DÚBIDA, PODEDES POÑERVOS EN CONTACTO CONNOSCO A TRAVÉS DO CORREO DO BLOG.

UNHA VEZ FEITAS AS ACLARACIÓNS ... MANS Á OBRA COS EXPERIMENTOS! 

1º EXPERIMENTAMOS CÓ ESTADO SÓLIDO DA AUGA.

EXPERIMENTACIÓN: OVOS DE DINOSAUROS CONXELADOS

PRECISAMOS: 
- FIGURAS PEQUENIÑAS DE DINOSAUROS (SE NON TEMOS PODEMOS EMPREGAR OUTROS OBXECTOS PEQUENOS COMO SUPERZINGS).
- GLOBOS.
- AUGA.
- TESOIRAS.

COMO FACER:

METEDE AS FIGURIÑAS DENTRO DOS GLOBOS.

ENCHEDE OS GLOBOS CON AUGA DA BILLA E ATADE O GLOBO FORTEMENTE.

METEDE OS GLOBOS NO CONXELADOR ATA QUE ESTEAN FEITOS UN BLOQUE (POLO MENOS UN DÍA ENTEIRO).

UNHA VEZ QUE ESTEAN BEN CONXELADOS ROMPEDE O GLOBO CUNHA TESOIRA E SACADE O ENVOLTORIO.

COLOCA OS OVOS CONXELADOS NUNHA CUNCA CON AUGA QUENTE. QUE PASARÁ?
SE VOS GUSTOU ESTE EXPERIMENTO, A ENCHER A FICHA!



2º EXPERIMENTAMOS CÓ ESTADO LÍQUIDO DA AUGA.

EXPERIMENTACIÓN: LIMOADA

INGREDIENTES:

2 CUNCAS DE ZUME DE LIMÓN

3 CUNCAS DE AUGA

150 GR. AZUCRE

MESTURADE O ZUME CO AZUCRE NUNHA XERRA, ATA QUE SE DISOLVA.

ENGADIRLLE AUGA FRÍA E DECORADE CON TIRIÑAS DE PEL DE LIMÓN.

COMPROBADE SE ESTÁ BEN DOCE E SERVIR FRÍO.

SE QUEREDES PODÉDELO FACER CON MELÓN, PIÑA... TEREDES QUE TRITURAR A FROITA, COLALA E ENGADILA Á LIMOADA ANTERIOR. REMOVEDE BEN E LISTO !!

COA LIMOADA QUE SOBRE PODEDES PREPARAR UNS POLOS DE LIMÓN. COMO OS FARIADES?

SE VOS GUSTOU EN CAMBIO ESTE EXPERIMENTO, A ENCHER A FICHA!

3º EXPERIMENTAMOS CÓ ESTADO GASEOSO DA AUGA.

EXPERIMENTACIÓN: COMO SE FORMA A NÉBOA?

ENCHEDE UN VASO CON AUGA QUENTE. 
DEIXAR DURANTE 1 MINUTO E LOGO BALEIRÁDEO ATA A METADE. 

COLOCADE APOIADO ENCIMA DO VASO UN COADOR E INTRODUCIDE DENTRO DESTE 3 CUBITOS DE XEO.

ANTES DE NADA PENSADE...QUE PODERÁ PASAR? 

SE VOS GUSTOU ESTE EXPERIMENTO ... A ENCHER A FICHA!

E ... ANTES DE SABER QUE FOI O QUE PASOU EN CADA EXPERIMENTO, UNHAS POUQUIÑAS MÁIS DE ACTIVIDADES.

PODEDES TENTAR DICIR ESTE TRABALINGUAS:

                                         

QUE VOS PARECE UN POUQUIÑO DE RITMO? ESCOITADE ESTAS CANCIÓNS SOBRE A AUGA.  

CANCIÓN "EL AGUA"

   

CANCIÓN "EL AGUA VIENE, EL AGUA SE VA"  

   

 

QUE VOS PARECE UNHA ACTIVIDADE PARA PENSAR DE LÓXICA-MATEMÁTICA?

• TEMOS UNHA CUBITERA ONDE PODEMOS FACER 6 CUBITOS DE XEO. IMOS FACER UNHA FESTA E NECESITAMOS DÚAS CUBITERAS CHEAS DE XEO MÁIS.CANTOS CUBITOS DE XEO CONSEGUIREMOS?

• NA MIÑA CASA, SAQUEI DO CONXELADOR ESTA CUBITERA COA QUE PODO FACER 8 CUBITOS DE XEO. SAQUEI 3 PARA POÑELOS NO VASO DA MIÑA LIMONADA. CANTOS CUBITOS ME QUEDAN PARA OUTRO DÍA?

• CON TODA A LIMONADA QUE FIXEN, TEÑO PARA ENCHER 6 VASOS. DE MOMENTO TEÑO CHEOS 2. CANTOS ME QUEDAN POR ENCHER?

• TEÑO A XERRA CHEA DE LIMONADA PARA ENCHER 8 VASOS, XA ENCHÍN 3. CANTOS VASOS TEÑO POR ENCHER AÍNDA?

• ENCHÍN UNHA XERRA CON 4 VASOS DE LIMONADA. COMO TIÑA MOITA SEDE,XA BEBÍN 3 VASOS. CANTOS VASOS DE LIMONADA LLE QUEDAN Á XERRA?

• ENCHO UNHA XERRA CON 5 VASOS DE LIMONADA. FAGO MÁIS LIMONADA E ENCHO A XERRA CON 2 VASOS MÁIS. CANTOS VASOS EMPREGUEI PARA ENCHER A XERRA?

• PARA FACER ZUME DE LARANXA PARA TODA A FAMILIA NECESITO 5 LARANXAS. VEÑEN AMIG@S Á CASA E EXPREMO OUTRAS 3 LARANXAS. CANTAS LARANXAS EMPREGUEI PARA FACER O ZUME?

AGORA A DESENROLAR A VOSA CREATIVIDADE! PINTASTES ALGUNHA VEZ CON CUBITOS DE XEO? POIS AGORA PODEDES PROBAR.

          

LEMBRADES OS 3 EXPERIMENTOS QUE ESTIVESTES FACENDO HAI UN POUCO? TEDES QUE FACER OS 3 PERO SÓ ENVIAR FICHA DO QUE MÁIS VOS GUSTE.

AGORA É O MOMENTO DE SABER COMO REMATAN OS EXPERIMENTOS E COMPLETAR A SEGUNDA PARTE DA FICHA, QUE É ESTA:

1º EXPERIMENTAMOS CÓ ESTADO SÓLIDO DA AUGA.

EXPERIMENTACIÓN: OVOS DE DINOSAUROS CONXELADOS
ESTABAN OS OVOS NUNHA CUNCA CON AUGA QUENTE. QUE PASARÁ?
POIS QUE A AUGA QUENTE COMO ESTÁ A MÁIS TEMPERATURA QUE A AUGA CONXELADA DOS OVOS, DESFAI O OVO POUCO A POUCO. E ASÍ PODEREDES OUTRA VEZ RECUPERAR OS VOSOS XOGUETES

SE FOI ESTE EXPERIMENTO O QUE ELEXISTES, REMATADEO FACENDO A SEGUNDA PARTE DA FICHA.

2º EXPERIMENTAMOS CÓ ESTADO LÍQUIDO DA AUGA.

EXPERIMENTACIÓN: LIMONADA

CONSEGUÍSTES FACER OS XEADOS DE LIMÓN?.
POIS, SE É ESTE O EXPERIMENTO QUE VOS GUSTOU, CONTADE NA SEGUNDA PARTE DA FICHA COMO O FIXESTES.

MOI BEN! SÓ NECESITASTES UNS MOLDES OU VASOS DE PLÁSTICO E UNS PAUCIÑOS OU CULLERES PEQUENAS. METER OS MOLDES NO CONXELADOR (ALO MENOS 1 DÍA) E ... A TOMALOS!

3º EXPERIMENTAMOS CÓ ESTADO GASEOSO DA AUGA.

EXPERIMENTACIÓN: COMO SE FORMA A NÉBOA?

LEMBRADE! TIÑAMOS UN VASO CON AUGA QUENTE E UN COADOR ENRIBA DESTE CON CUBITOS DE XEO. QUE PASOU?

POIS QUE PARTE DA AUGA QUENTE CONVÉRTESE EN VAPOR DEBIDO Á CONDENSACIÓN. A CONDENSACIÓN PRODÚCESE CANDO O VAPOR QUE ESTÁ DEBAIXO DOS XEOS VOLVE A ARREFRIARSE E TRANSFÓRMASE EN AUGA. FORMAN A NÉBOA AS PEQUENAS PINGAS DE AUGA QUE QUEDAN SUSPENDIDAS NO AIRE.
GUSTOUVOS ESTE EXPERIMENTO? POIS TEDES QUE ENCHER A SEGUNDA PARTE DA FICHA.

ACTIVIDADES DAS ESPECIALISTAS:

RELIXIÓN:

A PROFE DE RELIXIÓN DEIXAVOS UNHAS ACTIVIDADES QUE PODEDES FACER TODAS E TODOS OS QUE QUEIRADES. TEDES QUE ENVIALAS AO SEU CORREO.

PSICOMOTRICIDADE:

A profe Mónica propón un xogo moi divertido relacionado coa agua.

IMOS DE PESCA!

A PESCA TAMÉN É UN DEPORTE! 

PARA ESTE XOGO PRECISAREMOS UN CUBO CON AUGA, TAPÓNS DE DIFERENTES TAMAÑOS E CORES E UTENSILIOS PARA “PESCAR” (CULLERES, PINZAS, “PALILLOS”).

1º) IMOS PESCAR CON DÚAS CULLERES, UNHA EN CADA MAN. MOI FÁCIL.

2º) PESCAMOS AGORA SOAMENTE CON UNHA.

3º) COMPLICAMOS UN POUCO A COUSA E PESCAMOS CON PINZAS.

4º) MÁIS DIFÍCIL AINDA… PESCAMOS CON DOUS “PALILLOS”.

5º) TAMÉN PODEMOS PESCAR SACANDO TAPÓNS DA MESMA COR, DE DÚAS DETERMINADAS CORES, POR TAMAÑOS…

ANIMÁDEVOS COA PESCA E MANDÁDEME ALGUNHA FOTO!

INGLÉS

MIRADE QUE ACTIVIDADES VOS DEIXA A PROFE MARÍA JESÚS !

MÚSICA

A PROFE LOLA PROPONVOS UN VÍDEO ONDE SE FAI O SON DA CHUVIA CON PERCUSIÓN CORPORAL.

ESCOITADE E INVESTIGADE ESES SONS, LOGO SE VOS PRESTA, MANDÁDEME A VOSA INTERPRETACIÓN NUN PEQUENO VÍDEO A  musicavilaverde@gmail.com