XOGOS

ESTA É A DERRADEIRA SEMANA DE "COLE".

XA ESTAMOS CANSOS DE TRABALLAR ESTES MESES E AGORA NECESITAMOS XOGAR.

PERO NON ESQUEZAMOS QUE XOGANDO TAMÉN APRENDEMOS: A ESPERAR O NOSO TURNO, A CUMPRIR AS REGRAS OU NORMAS QUE EXISTEN EN CADA XOGO, A COMPARTIR, A MELLORAR A MOTRICIDADE, ... E SOBRE TODO A PASALO MOI BEN!

AQUÍ VOS DEIXAMOS UNS XOGOS PARA FACER DENTRO DE CASA E TAMÉN FÓRA, ESPERAMOS QUE VOS GUSTEN.

XOGOS DE INTERIOR

- OBRADOIRO DE PINTACARAS.

                  

- ESTAMPADO CON VERDURAS. PODEMOS EMPREGAR PATACAS, APIO, MAZÁS, ... CORTADAS Á METADE.       

- CONSTRUIR UN MIKADO E XOGAR CON EL.

                

- DEBUXO CEGO. NECESITAMOS LAPIS, FOLIOS E UNHAS TEAS PARA TAPAR OS OLLOS. TODOS OS PARTICIPANTES ESTÁN SENTADOS. UN XOGADOR ESTÁ COS OLLOS TAPADOS MENTRES OUTRO LLE DI EN VOZ BAIXA O QUE TEN QUE DEBUXAR NO PAPEL. UNHA VEZ REMATADO O DEBUXO OS DEMAIS TEÑEN QUE ADIVIÑAR QUE DEBUXOU.

- PALABRAS PROHIBIDAS. PRIMEIRO DECIDIREDES CALES VAN SER AS PALABRAS PROHIBIDAS, POR EXEMPLO: SI, NON, BRANCO, NEGRO.

MANTEREDES UNHA CONVERSA CON MAMÁ OU PAPÁ PERO TEDES QUE RECORDAR QUE NON PODEDES DICIR EN NINGÚN MOMENTO AS PALABRAS PROHIBIDAS.

- QUEN SERÁ CAPAZ DE FACER O CASTELO MÁIS ALTO?

CON VASOS DE PLÁSTICO TERÁN QUE FACER O CASTELO MÁIS ALTO SEN QUE SE CAIA.

    

- SOPRAR CUNHA PALLIÑA

DERRUBAR O CASTELO ANTERIOR SOPRANDO CUNHA PALLIÑA.

VARIANTE: COLOCAR NUNHA MESA XOGUETES PEQUENOS. TIRALOS FORA DA MESA (QUE CAIAN DA MESA) SOPRANDO CUNHA PALLIÑA.

- LACASITOS. CADA PARTICIPANTE TERÁ UN PRATO BALEIRO E UNHA PALLIÑA. NO CENTRO COLÓCASE UN BOL CHEO DE LACASITOS. ASPIRANDO POLA PALLIÑA TERÁN QUE LEVAR OS LACASITOS DESDE O BOL ATA O SEU PRATO. GAÑA O QUE LEVE MÁIS CANTIDADE. POR SUPOSTO, AO FINAL CÓMENSE!!

- PINTARÁN SAL CON XIZ.
AQUÍ VOS DEIXAMOS UN VÍDEO DE COMO TINGUIR XIZ, QUE É O PRIMEIRO QUE HAI QUE FACER.

                  

UNHA VEZ FEITA O SAL DE CORES, PODEMOS COLOREAR DEBUXOS ...

                  

... OU ELABORAR BONITAS BOTELLAS PARA DECORAR E ASÍ TAMÉN REUTILIZAMOS.

                  

- TÉCNICA DO PUNTILLISMO (BASTONCILLOS). OS DEBUXOS FEITOS CON ESTA TÉCNICA QUEDAN MOI CHULOS PERO HAI QUE TER MOITA PACIENCIA PARA FACELOS E QUE QUEDEN BEN.

                   

- MENSAXE SECRETA.

                  

- PRATO VOADOR (FRISBEE).

EMPREGAREMOS 2 PRATOS DE PAPEL QUE DECORAREMOS CON ROTULADORES.

                  

- TELÉFONO.

EMPREGAREDES 2 VASOS DE IOGUR E UNHA LÁ.

PRIMEIRO TEREDES QUE DECORAR OS VASOS COMO MAÍS VOS GUSTEN. LOGO, PEDIDES AXUDA A UN ADULTO, PARA QUE VOS FAGA NOS FONDOS DOS VASOS UN BURATIÑO CUN PUNZÓN. METEREDES UNHA LÁ POLO FONDO DOS VASOS E ATÁDELA.

- FIGURAS DE SOMBRAS COAS MANS

                

- PAPIROFLEXIA. PARA FACER XIMNASIA COA MAN E PARA APRENDER A FACER FIGURAS PREGANDO PAPEL.

                

                

                

- BROCHETA CON FROITAS E CHOCOLATE. UNHA RECEITA BOÍSIMA QUE PODEMOS APROVEITAR PARA MERENDAR.

                 

XOGOS DE EXTERIOR

- PISA O GLOBO. NECESÍTANSE UNS GLOBOS E UN POUCO DE CORDA PARA ATALOS AOS NOCELLOS DE CADA PARTICIPANTE. O OBXECTIVO É PISAR O GLOBO DO NOSO CONTRINCANTE EVITANDO QUE PISEN O NOSO. 

- CARREIRAS DE SACOS. SOAMENTE NECESITAMOS UNS SACOS OU BOLSAS XIGANTES DE LIXO E MOITAS GANAS DE SALTAR.

- CARREIRAS DE VASOS. NECESITAMOS VASOS DE PLÁSTICO,CORDA FINA E UNAS PISTOLAS DE AUGA.
FACÉMOSLLE UN BURATO NA BASE DO VASO, MÁIS CERCA DO BORDE QUE DO CENTRO. PASAMOS A CORDA POR ESE BURATO E ATAMOS OS EXTREMOS.
TEREMOS QUE MOVER O VASO COS CHORROS DE AUGA.

- DEBUXAR AS SOMBRAS.

ESTA ACTIVIDADE PODE FACERSE NO INTERIOR CUN DÍA SOLEADO E QUE A LUZ ENTRE NA NOSA VENTÁ, OU AO AIRE LIBRE

                   

- XOGO DE BOLOS. BOTELLAS DE PLÁSTICO CHEAS E HAI QUE TIRALAS CON GLOBOS DE AUGA.

- TRANSVASAR. TEREDES QUE PASAR AUGA DUN RECIPIENTE A OUTRO QUE ESTÉ MÁIS LONXE EMPREGANDO DISTINTOS OBXECTOS: VASOS PEQUENOS, XIRINGA…

PODEDES FACER UNHA COMPETICIÓN CON MAMI OU PAPI A VER QUEN GAÑA.

VARIANTE: TAMÉN PODEDES ENCHER UNHA CUBITERA CON AUGA PARA LOGO METELA NO CONXELADOR PERO EMPREGANDO A XIRINGA.

- GLOBOS DE AUGA.

MAMI OU PAPI COLLERÁN UNHA TOALLA POR DÚAS DAS ESQUINAS E VÓS COLLEREDES AS OUTRAS DÚAS. ESTIRAREDES A TOALLA EN ALTO E COLOCAREDES NO MEDIO UN GLOBO DE AUGA. TEREDES QUE MANTEALO PROCURANDO QUE NON CAIA.

LOGO PROBAREDES CON 2 GLOBOS DE AUGA ENCIMA DA TOALLA.

 

- A ESPONXA VELOZ.  NUN LADO COLOCARASE UN RECIPIENTE CON AUGA E NOUTRO, MÁIS LONXE, UN RECIPIENTE BALEIRO.

MOLLAREDES MOITO A ESPONXA NO QUE CONTÉN AUGA E COS BRAZOS EN ALTO, TODO O TEMPO, TEREDES QUE LEVALA ATA O RECIPIENTE BALEIRO ONDE A EXPRIMIREDES. VOLTAREDES DE NOVO AO RECIPIENTE CON AUGA PARA MOLLALA OUTRA VEZ E VOLVER A LEVALA E EXPRIMILA… TEREDES QUE XUNTAR A MAIOR CANTIDADE DE AUGA POSIBLE.

VARIANTE: EN LUGAR DA ESPONXA, FACELO CUN VASO DE PLÁSTICO APOIADO NA CABEZA.

E ATA AQUÍ ESTE RECOPILATORIO DE XOGOS, PARA XOGAR DENTRO DE CASA OU FÓRA.

ESPERAMOS QUE VOS GUSTEN E O PASEDES MOI BEN!