CHOCOLATADA E VISITA DO APALPADOR

PARA REMATAR O PRIMEIRO TRIMESTRE, NADA MELLOR QUE UN CHOCOLATE BEN QUENTIÑO E UN CACHO DE ROSCA.
AH! E COMO NON ... A VISITA DO APALPADOR!

TAMÉN APROVEITAMOS E NOS QUITAMOS UNHA FOTO CÓ APALPADOR QUE ADORNA A PORTA DA "BIBLIO".

ANIVERSARIOS DECEMBRO

REMATAMOS O ANO 2018, FELICITANDO A MARCO, QUE XA CUMPRÍU 4 ANOS!
MOITÍSIMAS FELICIDADES!

VISITA DE PETRA A EDIMBURGO

PETRA, UNHA DAS NOSAS COMPAÑEIRAS, APROVEITOU A PONTE DE DECEMBRO PARA VISITAR EDIMBURGO COA SÚA FAMILIA.
E PENSAREDES ... QUE TEN QUE VER EDIMBURGO CONNOSCO?
POIS QUE ESTÁ EN GRAN BRETAÑA  E QUE TEN COUSAS QUE COINCIDEN CON LONDRES.
XA VEREDES!

EN EDIMBURGO TAMÉN HAI CABINAS DE TELÉFONO VERMELLAS, TAXIS NEGROS, COMEN FISH AND CHIPS, ...
ATA A RAÍÑA ISABEL TEN UN PAZO PARA IR DE VACACIÓNS!
MOITÍSIMAS GRACIAS A PETRA E A SÚA FAMILIA POR COMPARTIR CONNOSCO O QUE APRENDERON NA SÚA VISITA.

3 COUSAS FAVORITAS

XA REMATAMOS A ROLDA DE COUSAS FAVORITAS.
AGORA, AS NENAS E NENOS DE 4 ANOS XA COÑECEN UN POUQUIÑO MÁIS ÁS SÚAS COMPAÑEIRAS E COMPAÑEIROS.

TRAEMOS INFORMACIÓN DE MARY POPPINS

REMATAMOS O PROXECTO DE MARY POPPINS.
APRENDEMOS UNHA CHEA DE COUSAS SOBRE O CONTO, A CIDADE ONDE TRANSCORRE TODA A HISTORIA, AS PERSONAXES, E MOITAS, MOITAS COUSAS MÁIS.
ALGÚNS INCLUSO ESTAMOS PENSANDO EN VIAXAR A LONDRES PARA VER Á RAÍÑA ISABEL, OS AUTOBUSES, AS CABINAS DE TELÉFONO, O PALACIO DE BUCKINGHAM, E POR QUE NON, AO MELLOR ATOPÁMONOS CON MARY POPPINS!

RECEITAS E POSTRES DE CASTAÑAS

MOITÍSIMAS GRAZAS A TODAS AS FAMILIAS POR COLABORAR CON NÓS TRAENDO AO COLE RECEITAS DE CASTAÑAS.
ATA HOUBO QUEN TROUXO O POSTRE PARA QUE O DEGUSTÁSEMOS!
ESTABAN BOÍÍÍÍÍÍÍÍSIMOS!!!

ANIVERSARIOS NOVEMBRO

CELEBRAMOS OS ANIVERSARIOS DE NOVEMBRO.
MOITÍSIMAS FELICIDADES A TODAS AS NENAS E NENOS QUE CUMPRIRON ANOS ESTE MES!

MAGOSTO 2018

DURANTE TODA A SEMANA, ESTIVEMOS RECOLLENDO AS CASTAÑAS E A MADEIRA QUE AS NENAS E NENOS TROUXERAN AO "COLE" PARA CELEBRAR O MAGOSTO.
TIVEMOS QUE RETRASAR A FESTA ATA QUE O DÍA SAÍRA UN POUQUIÑO MELLOR, SEN TANTO FRÍO NIN CHOIVA.
PERO AO FINAL, MERECEU A PENA ESPERAR.

MESTURAMOS 4 ANOS A CON 4 ANOS B PARA FACER UN OBRADOIRO DE XOGOS CON CASTAÑAS.

EN TOTAL HABÍA 6 XOGOS. 

PARA REMATAR A FESTA, XUNTÁMONOS  OS ALUMNOS E OS "PROFES" DE TODO O "COLE" NO PATIO PARA DEGUSTAR AS CASTAÑAS ASADAS.

FACEMOS UN CARTEL PARA ANUNCIAR O MAGOSTO

DURANTE ESTES DÍAS, AS NENAS E NENOS DE 4 ANOS, ESTIVEMOS ELABORANDO UN CARTEL PARA ANUNCIAR A VINDEIRA FESTA DO MAGOSTO.
E POR FIN, O CARTEL, XA ESTÁ REMATADO!
A VER QUE VOS PARECE.
QUEDARON XENIAIS! A QUE SI?

ANIVERSARIOS OUTUBRO

A PIQUES DE CHEGAR O MAGOSTO, TEMOS QUE FELICITAR A ESTAS NENAS E NENOS QUE FAN 4 ANOS EN OUTUBRO.
A TODAS ELAS E A TODOS ELES ...
MOITOS PARABÉNS!

VISÍTANOS ANTÍO

XA CHEGOU ANTÍO AO COLEXIO.
VÉN DENDE O SOUTO PARA PARTICIPAR NA NOSA FESTA DE CASTAÑAS E DE PASO LEVAR ALGUNHAS PARA O INVERNO.
SEGURO QUE PENSA COLLER MOITAS PORQUE PEDIUNOS QUE LLE TRAIAMOS RECEITAS...
A VER QUE FAI CON ELAS!

COMEZA A ESTRATEXIA DA MALETA

HOXE, FLOR E CHIQUI APARECERON NA CLASE CUNHA MALETA E UNHA CAIXA MISTERIOSAS.
QUE HABERÁ DENTRO?
POIS HAI 3 OBXECTOS QUE AS DEFINEN: UN CONTO (É O CONTO QUE MÁIS LLES GUSTA), UNHA LETRA PREFERIDA E UN CREBACABEZAS.
EXPLICÁRONNOS CUNHA CARTA QUE OBXECTOS ELEXIRON E POR QUE.

AGORA, INVÍTANNOS A QUE NÓS FAGAMOS O MESMO.
ASÍ QUE, VEÑA, A ELEXIR OS VOSOS 3 OBXECTOS FAVORITOS!
TEMOS QUE TRAELOS Á CLASE CANDO NOS AVISEN AS "PROFES".
ESTADE MOI ATENTOS!

BUSCAMOS O NOSO EQUIPO

APARECERON NA CLASE UNHA SERIE DE IMAXES PEGADAS NAS MESAS QUE VAN SER OS NOSOS EQUIPOS.
NAS FOTOS PODEDES VER COMO BUSCAMOS O EQUIPO AO QUE PERTENCEMOS.

AMOSAMOS OS NOSOS DIARIOS DE VERÁN

DENDE QUE COMEZOU O "COLE" ESTIVEMOS AMOSANDO AOS NOSOS COMPAÑEIROS E AS NOSAS COMPAÑEIRAS OS DIARIOS QUE FIXEMOS NO VERÁN.
TROUXEMOS MOITOS, ASÍ QUE, PARA NON CANSARNOS FOMOS VENDO UNS POUQUIÑOS CADA DÍA.
AGORA XA OS VIMOS TODOS E PODEMOS ENSINARVOS AS FOTOS.

ANIVERSARIOS

COMEZAMOS O CURSO CELEBRANDO BASTANTES ANIVERSARIOS.
ADEMAIS DOS QUE CUMPRIRON ANOS EN SETEMBRO, NON QUEREMOS ESQUECERNOS DOS QUE CUMPRIRON NAS VACACIÓNS.
MOITÍSIMAS FELICIDADES A TODOS E TODAS!!!

AS FAMILIAS ESTIVERON NO COLE

TIVEMOS UNHA XUNTANZA COAS FAMILIAS PARA FALAR SOBRE COUSIÑAS DESTE CURSO

Familias ei 4 2018 de xianadecide

NOVO CURSO! ESTAMOS EN 4!!!

HOXE COMEZAMOS DE NOVO.
COMO SOMOS UN POUQUIÑO MÁIS GRANDES, ESTAMOS NAS AULAS DOS MAIORES, NO EDIFICIO GRANDE.
TEMOS MOITA ILUSIÓN POR VER AOS NOSOS COMPAÑEIROS E ÁS NOSAS COMPAÑEIRAS, CONTAR O QUE FIXEMOS DURANTE O VERÁN E APRENDER MOITAS
COUSAS NOVAS.
BENVIDAS E BENVIDOS A ESTE NOVO CURSO!

CHEGOU O FINAL DE CURSO!

HOXE, COINCIDINDO CO COMEZO DO VERÁN, REMATA O CURSO DE 3 ANOS.
NESTE DÍA TIVEMOS SESIÓN DE VIDEO, BAILAMOS, CANTAMOS E MERENDAMOS COS NOSOS COMPAÑEIROS E COMPAÑEIRAS DE NIVEL.
AÍNDA QUE NON DEBEMOS ABUSAR DESTE TIPO DE ALIMENTOS, HOXE ERA UN DÍA MOI ESPECIAL E DESPEDÍMOLO CON ESTA MERENDOLA.
COMEMOS UN MONTÓN E ESTABA TODO BOÍSIMO!

LOGO NO PATIO, XUNTO CON TODOS OS NENOS E TODAS AS NENAS DO COLE, MIRAMOS AS ACTUACIÓNS DAS E DOS MAIORES. FIXÉRONO XENIAL!

E MÁIS FOTOS!!

VÉMONOS EN SETEMBRO!

ANIVERSARIOS DE XUÑO

REMATAMOS O CURSO COAS NENAS E NENOS QUE FAN ANOS NESTE MES.
ESTA VEZ SON MOI POUQUIÑOS.
CANDO VOLVAMOS AO "COLE" TEREMOS QUE CELEBRAR OS ANIVERSARIOS DE XULLO E AGOSTO, ATA ENTÓN ....
FELICIDADES A LEO E NURIA!!

VISITAMOS A CLASE DE 4 ANOS

PARA O VINDEIRO CURSO, COMO XA MEDRAMOS MOITO, NON ESTAREMOS NA CLASE DE 3 ANOS. IREMOS PARA O EDIFICIO GRANDE DO COLE XUNTO COS DEMAIS COMPAÑEIROS E COMPAÑEIRAS. POR ISO, HOXE FOMOS VISITAR A AULA DE 4 ANOS.
TODOS OS NENOS, AS NENAS E A PROFE RECIBÍRONNOS MOI BEN. ENSINÁRONNOS TODO O QUE TEÑEN NA SÚA CLASE E CANTÁRONNOS O SEU RAP DAS LETRAS GALEGAS.
LOGO NÓS TAMÉN LLE CANTAMOS O NOSO RAP PARA DESPEDIRNOS.

AS NENAS E NENOS DE 3 ANOS B, TAMÉN VISITAMOS A CLASE DE 4 ANOS.
ESTIVEMOS FALANDO COAS NENAS E NENOS DE CATRO ANOS, QUE NOS CONTARON QUE RECANTOS TIÑAN, A QUE PODIAMOS XOGAR NELES, COMO SE CHAMA A SÚA MASCOTA, ...

EXPERIMENTAMOS CON 3 PLANTAS

SABEMOS QUE AS PLANTAS NECESITAN LUZ, AUGA E OSÍXENO; POR ISO, QUIXEMOS VER O QUE LLE SUCEDÍA CANDO LLE FALTABA ALGO DISTO.
PARA COMPROBALO UTILIZAMOS TRES PLANTAS:
- PLANTA NÚMERO 1: SEMPRE TERÁ LUZ, AUGA E OSÍXENO.
- PLANTA NÚMERO 2: NUNCA VAI TER LUZ, AUGA E OSÍXENO.
         METÉMOLA DENTRO DUNHA BOLSA DE PLÁSTICO COMPLETAMENTE PECHADA.
- PLANTA NÚMERO 3: VAI TER LUZ E OSÍXENO, PERO NUNCA VAI TER AUGA.

DESPOIS DUN TEMPO COMPROBAMOS QUE LLE SUCEDEU Á PLANTA NÚMERO 2 QUE ESTIVO SEMPRE SEN LUZ, AUGA E OSÍXENO.

BULBOS E SEMENTES

NUNHAS XARDINEIRAS PLANTAMOS ALLOS, GARAVANZOS, SEMENTES DE XIRASOL E UN BULBO.
TAMÉN PUXEMOS UNS BULBOS NUNS TARROS DE CRISTAL CON AUGA PARA PODER OBSERVAR COMO ÍAN MEDRANDO AS RAÍCES.

TRANSPLANTAMOS

HAI TEMPO FIXEMOS UN HORTO COLGANTE NA CLASE ONDE PLANTAMOS SEMENTES EN ALGODÓN HÚMIDO.
DESPOIS DE QUE MEDRARAN DECIDIMOS TRANSPLANTALAS E METELAS NUNHAS XARDINEIRAS CON TERRA.
ESTIVEMOS BOTÁNDOLLE AUGA E OBSERVÁNDOAS DIARIAMENTE.

CONCERTO DE PACO NOGUEIRAS

O VENRES, 21 DE MAIO, TIVEMOS O CONCERTO "RADIO BULE. BULE" CON PACO NOGUEIRAS.
PASÁMOLO XENIAL CANTANDO E BAILANDO AS CANCIÓN DE TODO O ESPECTÁCULO!.